sometimes
May 20, 2008
minsan iiyak, minsan magpupuyat
minsan sisinghal, minsan magpapatawad
madalas paminsan-minsan lang
minsan dumadalas na
nagiging palagian
minsan nasasaktan
laging di naiintindihan
di nababasa kahit may laman
kaya kumakaway na lang sa isipan
mga alaala sa larawan
sabay liliparin ang nakaraan
nagpapaalam
lumuluha kung minsan
pipikit kung minsan
madalas, lilimutin yung minsan
tapos di alam kung pano balikan
gustong gustong halikan ang minsan
wala nang kapaan
kung minsan nang nagdaan
minsan nagwawakas
minsan lumilipas
nakakalungkot madalas
minsan wala talagang ligtas
kung sabay na hinahanap
sa pisara ng nakaraan
at mahimbing na lumalatag
ang mga nagdaang minsan
Subscribe to:
Post Comments (Atom)
No comments:
Post a Comment